Bir gün…

Bir gün məni darda qoy ki, sınmayım,

Bir gün məni ağlar qoy ki, ağlayım,

Bir gün məni, oda at ki, tez yanım,

Bir gün məni, sənsiz qoyma həyatım…

Bir gün məni adsız qoy ki, soylanım,

Bir gün məni pulsuz qoy ki, varlanım,

Bir gün məni mənsiz qoy ki, dayanım,

Bir gün məni xəstəliklə buraxma…

Bir gün məni qoy səbrsiz, ağrıyım,

Bir gün məni qoy canlısız, canlanım,

Bir gün məni qoy səbəbsiz, axtarım,

Bir gün məni sevginlə tək buraxma…

Bir gün məni qoy nəfəssiz yaşayım,

Bir gün məni suya at ki, paklanım,

Bir gün məni günahsız qoy, ruhlanım,

Bir gün artıq yaşadımsa, çox görmə…