Gəl gedək…
- Gəl, gedək…
- Haraya?
- Hara istəsən.
- Bir az fikirləşim… Vaxt ver mənə…
- Yerinə fikirləşmişəm… Gedək zooparka…
- Oraya niyə?
- Gör ki, biz insanlardan betər yaşayanlar var… Şükür edək, halımıza…
- Gəl, gedək…
- Bu gün haraya?
- Neft daşları, Günəşli, Çırağa, SOCARA…
- Niyə?
- Gedək, baş sağlığı verək, bir molla da götürək, neftimizin, manatımızın birtəhər yasını versin yola…
- Gəl, gedək bu həftəsonu…
- Haraya?
- Öncə bazara, sonra supermarketlərə, qiymətlərə baxmağa…
- Bəs sonra?
- Sonra isə qəbristanlığa, özümüzə qəbir qazaq, diri gəzən ölülərdənik…
- Gəl, gedək nahar vaxtı, ya da sabah…
- Vergilər Nazirliyinə, Maliyyə Nazirliyinə…
- Orada nə işimiz var?
- Büdcəmizə baxaq, nə haldadır? Gəlir gəlirmi, gəlirsə, gedir haraya…
- Bəs sonra?
- Sonra gedərik, sərhəddə, ya da səfirliklərə, bu ölkədən uzaqlara…
Комментарии