Canıyanmışın canı yanmaz...

Həkim olmayana yaranızı, xəstəliyinizi bildirməyin. Ya yaranı irinə çevirib sağalmaz edəcək, dərinlədib sümüyə dirəyəcək, ya da səhv diaqnoz və müalicə üsulu seçib, sizi öldürəcək.

Hər dəfə sevdiyim, dəyər verdiyim kimisə itirəndə niyə canım yanmır, bilirsiniz? Çünki hər itirdiyim insan canımdan bir parça qopardıb özüylə apardı, yanmağa can qoymadılar ki?!

Canı yananların canı o qədər yanıb kül olmuş ki, yanmağa da can qalmamış...

İnsanın canını adətən başqa insanlar yandırar.

İnsanın yandırdığı canı alov, qaynar suyun yandırdığından daha ağrılırdı. Dəri bərpa edilə, cərrahiyyə əməliyyatı vasitəsilə bərpa edilə bilər.

Canımız da yandı, daha yanmağa nə qaldı ki?

İnsanlara çox vaxt deyirik : "Canıyanmış", "Canın yanmasın"...

Amma hər birimizin canı hökmən yanmışdır.

Kimisi sevgisini itirir, kimisi sevdiklərini...

Kimisi şərlənir, həbs edilir, kimisi acından ölür...

Kimsə kiməsə güvənini itirəndə, kiminsə önündə güvənini itirəndə canı yanmış olur.

Kimsə haqsızlıqla qarşılaşanda, kimsə sevib sevilməyəndə, üzülər.

Kiməsə gözləyəndə nəyisə ürəyi çəkilər, köks ötürər.

Kiminsə ağrılı nöqtəsini basanda, canını bərk ağrıtmış olur insan...

Yaxın və doğma bildiklərindən zərbə alanda can yanmış olar...

Sayılmamaq, sevilməmək, xəyanət,yalan, doğmalarınla sınanmaq canı yandırar...

Kiminsə canı insanlara qarşı şiddət və aqressiyanı görəndə, canı yanmış olar.

İnsanın canı hər dəfə yandıqca, yanmağa can qalmır, yandırmağa və yanmağa səbəblər çox olsa da...

Canınız yanmasın...