Təhlükəli insanlar…

Sizcə, təhlükə yoxdur?

Bu təhlükə mənbəyini yaradan amillərdən biri insanlar deyildir?

Bəs hansı insanlar təhlükəlidir?

1. Ən təhlükəli gənclər- insanlar kitab yüklü “eşşək” olanlardır. Özünü erudit, intellektual hesab edir, elə bilir ki, bestseller olmuş kitabları sadəcə oxumaqla, ağıllı və müdrik olurlar. Halbuki kitab bir qida, informasiya mənbəyidir. O qida və informasiyanı isə tutmaq lazımdır. Yoxsa sadəcə oxumağa, bəzi cümlələri əzbərləməyə nə var ki…
2. Sevgi başlayanda “sən” və “mən”i biz etməyə tələsən, bitəndə “mən” və “sən” anlayışlarına keçdiyinə sevinənlərdir.
3. Konkret və qəti suala “hə, yox, bilmirəm” cavablarından birini deyil, “baxarıq, ola bilsin, bəlkə də, yəqin ki” – cavabları qətiyyətsizlik, əminsizlik, ehtimal tərkibli cavabları verənlərdir.
4. Təhsil+mütaliə+müşahidə+təcrübə+özünüinkişaf=bilik düstürundan bir toplananı çıxardanlardır.
5. Ünsiyyət, dostluq, sevginin keyfiyyətini yox, kəmiyyətini seçənlərdir.
6. Onu tənqid edəcək yox, tərifləyəcək insanları dost bilənlərdir.
7. Heç nəyi bilməyib danışanlar, yazanlar; Çox şeyi bilib susanlar. Nə bildiyini bilmirsən, niyə susduğunu da bilmək çətindir çox şeyi bilib susan insanlarda…
8. Kompleksli adamlar. Bilmək olmur, hansı yeni kompleksləri var.
9. Həkim olmayana yarasını, xəstəliyini bildirən sadəlövhlər sirr saxlaya bilmədikləri üçün.
10. İctimai yerdə aqressiya və şiddətə biganə yanaşıb, qurbanı qorumağa, aqressoru sakitləşdirməyə çalışmayandır.