Sən hardan biləsən, tənha insana günü başlamaq da, bitirmək kimi darıxmaq sayağı çox çətin olur…
Darıxmağın o qədər rəngi var…
Darıxmağın səbəbinə bağlıdır rənglər…
Bitmiş sevgini yaradan kəsçün,
darıxsan, olacaq açıq boz rəngdə…
Bir də ki, keçmişə baxsan şəkildən…
Ağ-qara şəkillər çıxsa, önünə,
O zaman darıxmaq yeni rəng alar,
Olacaq nostaljı qara-ağ rəngdə…
Bəzən də olur ki, yazı yazanda,
Dəli ruh pıçıldar qulaqlarıma,
Bax darıxma ha, rəngi qaçmasın…
Yazıdan yazıya dəyişər rəngi,
Darıxmaq çox rəngli olacaq bəzən…
Ehtiras əsiri olan insanın,
darıxmaq rəngini qırmızı alar…
Sevginin üzünə həsrət qalanın,
Darıxmaq üzünə ağ olar ancaq…
Bir də ki, öləni yola salanda,
Darıxmaq rəngini qaçırdır birdən,
Ya darıxmaq qaçar, ya da ki, rəngi,
İkisi birlikdə qaçmır nədənsə…
Bir də ki, içində ağlayan zaman,
Darıxmaq olacaq rəngsiz çalarda…
Gülüşün qədrini uşaqlar bilir,
təbii halları təbii rəngdir,
darıxsa, övladdan ötrü bir insan
Darıxmaq onunçün olacaq qara…
Комментарии