Foto: Rüfət Yaqubov
- Işsizlik və bekarçılıqdan yorulmaqdansa, eşşək kimi işləməkdən yorulmağın labüddür.
- Sevdiyin insana sevgi sevişənədəkdir, sevişəndən sonra sadəcə sevişmək istəyirsən, sevmək deyil.
- Qışda buludlu havada arada görsənən günəş, ağacda qalan son, solğun yarpaq kimidir seçilmiş dostlar. Üstündə əsir, həsrətindəsən.
- İnsan geyinmək üçün çox pul xərcləyir ki, sonra onu pulsuz və ya pulla soyunsun, soyundursunlar.
- Kitab alıb ev və işdəki şkaf rəfinə və ya stolun üstünə qoyun, oxumasanız belə, erudit insan obrazını yaradın, bu sizə olan fikri dəyişəcək, sizi ucaldacaq.
- Keyfiyyət önəmli deyil, əsas odur ki, tələbat yaradırsan. kəmiyyət artır.
- Gəlirlərinizi üstələyən xərcləriniz olsa belə, narahat olmayın, ən bahalı məhsulu alın ki, başqaları sizə paxıllıq etsin. Bu rəqabəti formalaşdıracaq.
- Qaranı ağa, ağı qaraya boyamaq asandır, yetər ki, əlində rəng olsun.
- “Yox” demək “hə” deməkdən daha asandır. Birinci dəfə dediksə, ardı gələcək.
- Bir sirri ictimailəşdirmək üçün onu başqa bir adama demək kifayətdir.
Комментарии