Foto: Rüfət Yaqubov
Gəl,
Gəl, səninlə görüşməyək,
Nə sən tanı məni,
nə mən səni
üz-üzə gələndə...
Gəl, səninlə görüşməyək,
yolda, dostların yanında,
Baxma, ayrılmışıq,
dost qala bilmədik səninlə...
Gəl, səninlə görüşməyək,
nə olsun ki,
bir zamanlar qadının idim,
sevirdim səni...
Gəl, səninlə görüşməyək,
keçmişdə qaldı doğmalıq,
iki yad insanlarıq,
uşaq deyilik,
sevgimizi öldürmüşük,
unutmuşuq bir-birimizi...
Gəl, səninlə görüşməyək,
Kimsə yenidən tanış etməsin,
səni mənlə, məni sənlə...
Yox, lazım deyil,
eyni yolu bir də getmək,
eyni səhvi bir də etmək,
səni sevmək...
Gəl, səninlə görüşməyək,
yolunu dəyiş,
yanımdan yel ol, ötüb keç,
əgər istəsən...
Bircə səndən istəyim var -
Gəl, gəl səninlə görüşməyək...
Mən səni sevirdim,
Özü də necə?
özü də necə!
bilirdin...
İndi isə...
Unudulmusan,
Unudulmuşam...
Комментарии