Saçlarımı uzadıram ki...

Saçlarımı uzadıram ki, hər dəfə düzünü deyəndə ipimi çəkmək yerinə saçlarımdan dartıb çəksinlər, başım ağrıya qarışsın, susum, anlayım ki, həqiqət ağrının özüdür...
Saçlarımı uzadıram ki, inkişaf edəndə, irəli gedəndə, iki hörük hörüb, hörüklərimdən assınlar məni mərkəzi meydanda...
Saçlarımı uzadıram ki, hər dəfə darayanda tökülüb yerə düşsün, daraqda qalanları yığım əlimə, bilim ki, qocalıram...
Saçlarımı uzadıram ki, keçmişimi unudub yeni həyata başladığıma hər kəsi inandırım, özümü belə...