Səhv dərk edilən sözlər...

Bizdə sözlərin səhv dərk edilməsi problemi var.
Bəzən bu sözləri biz elə təhrif edirik ki, cəmiyyət bu sözün ziyanlı olduğunu və cəmiyyət üçün təhlükəli olduğunu düşünürlər.
Bu isə çoxluğun sürü psixologiyası prinsipi ilə hərəkət etməsi və qəbul etməsi ilə əlaqəlidir.
Əslində düşünən varlıq olan insanın hər sözü özü üçün təhlil etməsi və dərk etməsi önəmlidir. Bu isə bir çoxlarına xeyir etmir. Ən çox da bu cür çoxluğu idarə ednələrə xeyir etmir. İdarəedicilərə, ruhanilərə, siyasətçilərə düşünən insan təhlükə mənbəyidir. Çünki onu idarə etmək mümkün deyildir. O özü-özünü idarə edir.
Səhv dərk etdiyim sözlər:

• Sevgi - sevgi bir hissdir. Sevişmək isə məşğuliyyət, işdir. Sevmək isə sevginin əməli tərəfidir. Sevgi ola bilər, sevişmədən. Sevişərək sevməmək də olar. sevgi bir hiss, həyəcandır. Tək ürəkdə yox, həm də beyində olmalıdır ki, real olsun, bitib başlaması idarə oluna bilsin. Sevgi adı altında insanlardan istifadə etmək, sevişmək vicdansızlıqdır. İnsanlara qarşı yalan danışmaq, etibarından sui-istifadə etməkdir. Məhz səhv qəbul edilmiş və təqdim edilmiş sevgiyə görə ona olan güvən itirilmişdir. Məhz ona görə sevginin varlığı şübhə altına alınmışdır.
• Azadlıq - azadlıq fikir və davranışda, həyat tərzini seçməkdə, hisslərdə azadlıqdı, bir şərtlə ki, onun maraqları digərlərinin azadlığını məhdudlaşdırmasın. Yəni kiminsə azadlığı kiminsə azadlığının məhdudlaşdırılması ilə həyata keçirilməməlidir. Öz azadlığın naminə kiminsə azad olmağın üçün nəyəsə məcbur etmək, iradəsinə zidd hərəkət etməsinə yola vermək olmaz. Azadlıqda könüllülük prinsipi təməldə olmalıdır. Zorakılıq, məcburiyyət yolverilməzdir.
• Seks - sağlam qida növüdür, həm də sevişməyin həzz nöqtəsidir. Sıraviləşdirmək və hər kəsə təklif etmək doğru deyildir. Bunun üçün hər iki tərəfin könüllü istək, razılığı olmalıdır. Əks halda, bu zorlanma hesab olunur. Qarşı tərəf tərəfdaşınızdırsa, onunla şərtləri öncədən müzakirə edin və bu şərtlərə özünüz əməl edin ki, tərəfdaş da bunu tələb edə biləsiniz. Ən əsası sağlamlığınız barədə doğru məlumat verin və qorunmağı -onu və özünü qorumağı unutmayın.
• Pul - pul çox şeyi həll edir. Pulu önəmsiz etmək doğru deyil. İşsiz və pulsuz qalanda, dincəlmək mümkün deyil. Pul önəmlidir, amma pulla satılmağı və insanları almağı tərgidin, pis vərdişdir. Pulunuz var deyə, onu kiməsə sırımaq lazım deyil. Pulla alınmayan və pula özünü satmayan insanlar var. Sərmayə etdiyiniz zaman nə gözləyəcəyinizi də öncədən demək lazımdır. Əks halda, qarşı tərəfi şərtləriniz və nəticə, əvəzi qane etməyə bilər. Bu isə səmimiyyəti, ciddiyyəti, düzgünlüyü kölgə altına salır. İnsan güvənini itirir. Sərmayə qərəzsiz və təmənnasız edilirsə, bu da qarşı tərəfə bildirilməlidir.
• Vəzifə - vəzifə irəliləyiş, gördüyün işin dəyərləndirilməsidir, insanlara təsir metodu, silahı və sui-istifadə edərək insanlara təzyiq etmək yolu deyildir. Nə də ki, qohum -əqrəba, dost-tanışın bu sahə üzrə bilik və təcrübəsi yoxdursa, onların vəzifəyə yerləşdirilərək işin gedişatına və inkişafa mane olmaq demək deyildir.
• Ailə - ailə tərəfdaşlıq, əməkdaşlıqdır, məcburiyyət və qeyd-şərtsiz kiməsə təsir, təzyiqlər yolu ilə ancaq almaq, vermədən almağı düşünmək, hərislik və təmənna güdmək, qarşı tərəfi borclu çıxartmaq və özündən asılı vəziyyətə salmaq deyildir.
• Təklik - bədbəxtlik deyildir. Seçimdir. Tək insanlar bədbəxtdir, hökmən kiminləsə birlikdə olmalıdır fikri doğru deyildir. Bir insan öz təkliyi və özü ilə yaşaya və xoşbəxt ola bilirsə, ona kimisə sırımaq və o insanın həyatına müdaxilə etmək doğru deyildir. Təklik sağlamlıq, hüzur, azadlıqdır. Təklik eqoistlik deyil.